သားသားမီးမီးတို့ရေ
ဒီတစ်ခေါက် အန်တီတာတာ ပြောပြမယ့် အကြောင်းအရာကတော့ သမ္မာကျမ်းစာထဲမှာ ဖော်ပြတဲ့ ယုံကြည်ခြင်းရဲ့ ဖခင် အာဗြာဟံ အကြောင်းပေါ့။
ဒီတစ်ခေါက် အန်တီတာတာ ပြောပြမယ့် အကြောင်းအရာကတော့ သမ္မာကျမ်းစာထဲမှာ ဖော်ပြတဲ့ ယုံကြည်ခြင်းရဲ့ ဖခင် အာဗြာဟံ အကြောင်းပေါ့။
အာဗြာဟံလို့ခေါ်တဲ့ ပုဂ္ဂိုလ်တစ်ဦးရှိသတဲ့။ ထာဝရဘုရားသခင်က သူ့ကို တိုင်းပြည်အသစ်တစ်ခုကို ခရီးရှည်သွားဖို့ အမိန့်ပေးလိုက်တယ်။ ဒါကြောင့် သူ့ရဲ့ မိသားစုနဲ့ သူပိုင်တဲ့ တိရိစ္ဆာန်တွေကို ယူဆောင်ပြီး ခရီးအစပြုခဲ့တယ်။ နောက်ဆုံးမှာ ဘုရားသခင် ကတိပေးထားတဲ့ နယ်မြေသစ်ကို ရောက်သွားတယ်။ အဲဒီနေရာဟာ စိမ်းလန်းတဲ့ တောတောင်ချိုင့်ဝှမ်းနဲ့ တသွင်သွင်စီးဆင်းနေတဲ့ မြစ်ချောင်း အင်းအိုင်တွေ ရှိတယ်ကွဲ့ ။ အာဗြာဟံက သူနဲ့အတူ သူအလွန်ချစ်တဲ့ တူလေးလောတကိုလဲ ခေါ်လာခဲ့တယ်။ အဲဒီ တူတော်မောင်က သူ့ရဲ့ ဦးလေးကို သူ့အတွက် အကောင်းဆုံး မြေပြန့်ချိုင့်ဝှမ်းကို ပေးဖို့တောင်းဆိုတယ်တဲ့။ အာဗြာဟံကလဲ သနားကြင်နာတတ်သူမို့ တူ လောတကို သူကြိုက်တဲ့နေရာကို ရွေးချယ်ခွင့်ပေးလိုက်တယ်တဲ့။
ထာဝရဘုရားသခင်က အာဗြာဟံကို ကတိပေးထားတာရှိတယ်။ တစ်ချိန်မှာ သင့်ကို လူမျိုးကြီးဖြစ်စေမယ်တဲ့။ သားသမီး မြေးမြစ်တွေနဲ့ အိမ်ထောင်မိသားစုကြီးဖြစ်စေမယ်ပေါ့။ ဒါပေမယ့် အာဗြာဟံနဲ့ ဇနီး စာရာတို့ဟာ သားသမီးရဖို့ အရမ်း အသက်ကြီးနေပြီလေ။ သားသမီးရဖို့ မဖြစ်နိုင်ဘူးပေါ့။
တစ်နေ့မှာ လူစိမ်းဧည့်သည် ၃ ဦးဟာ အာဗြာဟံဆီ လာလည်တယ်တဲ့။ သူတို့နဲ့အတူ သတင်းကောင်းတစ်ခု ယူလာခဲ့တယ်လေ။ အဲဒါကတော့ အာဗြာဟံကို သားယောက်ျားလေး ရလိမ့်မယ်ဆိုတဲ့ သတင်းပေါ့။ တကယ်ဘဲ ခလေးတို့ရေ- သူတို့ ဇနီးမောင်နှံဟာ သားလေးမွေးဖွားပြီး ဣဇက်လို့ အမည်ပေးလိုက်တယ်တဲ့။
ဣဇက်လေးကြီးလာတော့ သူ့ရဲ့  ဖခင်နဲ့အတူ ကူညီလုပ်ကိုင်ပေးတယ်တဲ့။ လိမ်မာရေးခြားရှိတဲ့ သားလေးအတွက် အိမ်ထောင်ဖက်ရှာပေးဖို့ သူ့ကျွန်တစ်ယောက်ကို ခရီးထွက်စေခဲ့တယ်။ လမ်းမှာရေတွင်းလေးတွေ့လို့ မောပြီး အနားယူနေတုန်း ဘုရားသခင်က သူ့ကို စကားပြောသတဲ့။ အခု သင့်ကုလားအုပ်ကို ရေလာတိုက်မယ့် မိန်းကလေးဟာ သခင်အာဗြာဟံ ရှာခိုင်းတဲ့ သား ဣဇက်ရဲ့ ဇနီးလောင်းဘဲတဲ့။ ခဏအကြာမှာ မိန်းမငယ်လေးတစ်ယောက် ရေတွင်းဆီ ရောက်လာပြီး အဲဒီကျွန်ကို သင့်ရဲ့  ကုလားအုပ်ကို ရေတိုက်ချင်သလားလို့ မေးတယ်တဲ့ကွယ်။ ချက်ချင်းပဲ သိလိုက်တာကတော့ ဘုရားသခင်ပြောတဲ့ ဣဇက်လေးအတွက် ဇနီးဟာ သူဘဲဖြစ်ရမယ်ပေါ့။ သူမရဲ့ အမည်က ရီဘက်ခါလို့ ခေါ်တယ်တဲ့။ဣဇက်နဲ့ ရီဘက်ခါတို့ လက်ထပ်ထိမ်းမြားပြီးတော့ သူတို့မှာ သားအမွှာလေး နှစ်ယောက် မွေးဖွားလာတယ်ကွဲ့။ ပထမသားလေးဟာ အမွှေးထူပြီး သူ့ကို ဧသောလို့ ခေါ်တယ်။ ပြီးတော့ အမဲလိုက်တာ ၀ါသနာပါတယ်ကွဲ့။ ဒုတိယအမွှာ သားလေးကတော့ ယာကုပ်လို့ခေါ်ပြီး သူ့အမေ ရီဘက်ခါနဲ့ အိမ်မှာပဲ နေတယ်တဲ့။ ပြီးတော့ သူဟာ အကြံဥာဏ်များတယ်သူဖြစ်တယ်။ ဖခင် ဣဇက်က သူ့သားအကြီးကို ထူးခြားတဲ့သားဦးအရာ ကောင်းကြီးကိုပေးဖို့ အလိုရှိတယ်တဲ့။ ဒါပေမယ့် မိခင်ဖြစ်တဲ့ ရီဘက်ခါက သားငယ် ယာကုပ်ကို ရစေချင်တယ်ဆိုဘဲ။
ဒီလိုနဲ့ တစ်ရက် ဧသော အဝေးမှာ အမဲလိုက်ထွက်နေတုန်း ရီဘက်ခါက ယာကုပ်ရဲ့လက်မှာ တိရိစ္ဆာန်အမွှေး သားရေကို အုပ်ပေးလိုက်တယ်။ အဲဒီအချိန်မှာ ဖခင်ဖြစ်သူ ဣဇက်ဟာ အသက်ကြီးပြီး မျက်စိမမြင်တော့ဘူးတဲ့။ ဒါကြောင့် သား ယာကုပ်လက်ကိုစမ်းပြီး အမွှေးအမျှင်တွေ ရှိတာသိတော့ သားကြီး ဧသောလို့ ထင်မှတ်တယ်တဲ့။ ဒါကြောင့် အထူးကောင်းကြီးမင်္ဂလာကို ယာကုပ်ကို ပေးလိုက်တာပေါ့ကွယ်။
ကဲ ခလေးတို့ရေ- အကြံဥာဏ်များတဲ့ ယာကုပ်နဲ့ သူ့မိခင် ရီဘက်ခါကြောင့် နောက်ဆက်တွဲဖြစ်လာမယ့် အကျိုးဆက်တွေကို နောက်တစ်ပါတ် ဆက်ပြောပြမယ်နော်။
ခလေးတို့ အားလုံးပေါ် ဘုရားသခင် ကြွယ်ဝသော ကောင်းချီးချပေးပါစေကွယ်။
မှီငြမ်း။ ။ Candle BIBLE for Toddlers
No comments:
Post a Comment